ERRONKA

Erronka desafio bat da ikaslearentzat, gogoa piztuko diona erantzunak bilatzeko (galdera zirikatzaile bat, hipotesi bat, zeregin interesgarri bat, problema bat…).

Ikertu

Ikasleak gaiaz daukan informazioa azaltzen du taldean. Ikerketaren ildoak eta eremuak zein izango diren erabakitzen da. Ikaslea da bere ikasprozesuaren arduraduna. Berak (bakarka edo lantaldean) hartu-emana du ezagutzarekin, eta, pixkanaka, erronkari aurre egiteko konpetentziak barneratuz doa.

Sortu

Jarduera hauek ideiak biltzeko, proposamenak egiteko eta, praktikan jarri aurretik, egokienak aukeratzeko dira. Ikasleek pausoz pauso erabakiko dute zer ezaugarri izango dituen amaierako produktuak.

Aurkeztu

Amaierako produktua aurkezteko eta zabaltzeko jarduerak dira. Orientabideak ematen dira, ahozko aurkezpen zehatza, argia, dinamikoa eta ulergarria egiteko.