Lehen Hezkuntza

Giltzarriak

HOBETO IKASTEN DUGU, AURREZ DAKIGUNA ETA EZAGUTZA BERRIAK ERLAZIONATZEN BADITUGU

Ikaskuntza esanguratsua

Giltzaren proiektuetan, ikasleari lagundu egiten zaio ezaguera berriak eta lehenagotik dakiena uztartzen eta integratzen.


Proposatzen diren esperientziak esanguratsuak dira eta ikasleen interesetatik hurbil daude. Jarduerak ere jakin-mina piztekoak dira, bide natural eta berritzaileetatik egitekoak.

ETA GURE IKASKUNTZAN PARTE HARTZEN DUGUNEAN, BENETAKO PROTAGONISTAK GARA

Metodologia aktiboa

Giltzaren proiektuetan ikaslea da arretagunea eta bere ikasprozesuaren protagonista.


Proiektuak eginez, ikasleak aukera du bere errealitatearekin, inguruarekin, interesekin eta motibazioekin konektatzeko, eta, horri esker, bere ikasprozesua pertsonalizatzeko.


Giltzaren proiektuek erraztu egiten dute beste metodologia aktibo batzuk integratzea: errutinak eta trebeziak, gamifikazioa eta lan kooperatiboa.

GURE TALENTU ETA TREBETASUN GUZTIAK BALIATUZ ESPLORATZEN DUGU

Konpetentzia anitzekoa

Giltzaren proiektuen bidez, XXI. mendeko konpetentziak eta trebetasunak garatzen dira, adimen mota guztiei arreta jarriz. Diziplinarteko proiektuak dira, hau da, Naturaren Zientziak eta Gizarte Zientziak dituzte abiapuntutzat, baina gainerako arlo guztiak integratzen dituzte.

PRAKTIKAN JARRI DUGUNA DA ONDOEN GOGORATZEN DUGUNA

Eginez ikasi

Ikaskuntza aktiboa da Giltzaren proiektuen bidezkoa, eginez eta elkarlanean arituz ikasten baitu ikasleak. Ikerketa, problemen ebazpena, ekimena, esperimentazioa eta aurkikuntza landuz ikasten da.

ELKARREKIN PENTSATUZ ETA JOKATUZ, GEHIAGO JAKINGO DUGU DENOK

Ikaskuntza kooperatiboa

Giltzaren proiektuetan, pertsonen arteko harremanak sendotzen dira eta desberdintasunen onarpena sustatzen da. Ikasleek ikasi egiten dute antolatzen, elkar errespetatzen, elkarlanean aritzen, ideiak proposatzen eta besteei entzuten.

MUNDU HOBE BAT ERAIKITZEKO

Gizarte berri baterako balioak

Giltzaren proiektuetan, ikaslearen prestakuntza integrala da jomuga eta berebiziko tokia du balioen lanketak: norbanakoarekin, ingurukoekin eta gizartearekin.


Balioek zentzua ematen diote heziketari.

Previous
Next